اسلام آباد (نیوز ڈیسک)۔
گوگل انجن نے رات گئے ایک تاریخی کمال یہ کیا ہے کہ آدھی رات کے اندھیرے میں پاکستانی روپے کی قدر میں حیرت انگیز اضافے کی جھلک دکھا کر چند گھنٹے بعد پھراسے ایک سو چالیس پر لے گیا۔
جس طرح گوگل پر آدھی رات کو ایک ڈالر ۔ 76.25 پاکستانی روپے کا دکھائی دینے لگا، اسطرح روپے کی قدر دیگر ملکوں کی کرنسی کے مقابلے میں بھی زیادہ دکھائی دینے لگی۔
پھر چند گھنٹے پر گوگل انجن پاکستانی روپے کو اپنی اوقات پر لاتے ہوئے اسے پھر ایک سو چالیس روپے فی ڈالر پر لے آیا۔
بہت سے پاکستانیوں نے خوشی کا اظہارکیا کہ انکے ملک کی کرنسی مضبوط ہوگئی ہے اور اسطرح بعض ان لوگوں نے پریشانی کا اظہارکیا جنہوں نے مہنگے ڈالر خٰریدے ہوئے تھے۔
حتیٰ بعض لوگوں نے کہاکہ انہیں ڈالر کی کوئی پرواہ نہیں، اگر پاکستان کی کرنسی مضبوط ہوتی ہے تو وہ اپنے ڈالروں کو ملک پر قربان کرنے کے لیے تیار ہیں۔
ایک صاحب جنہوں نے کل ہی دو ہزار ڈالر پاکستان بھیجے تھے اور انہیں کسی نے کہاکہ آپ کی فیملی کو ایک سو چالیس روپے کے بجائے اب نصف قیمت ملے گی۔ انھوں نے جواب دیا، میرا ملک مضبوط ہوجائے، میرے لئے یہ ہی کافی ہے۔ چاہے، مجھے ایک ڈالر پچاس روپے میں دینا پڑے، مجھے کوئی پرواہ نہیں۔
ڈالر کی نئی قیمت دیکھنے کے لیے یہاں کلک کریں
