ناروے میں سفیرپاکستان رفعت مسعود کے اعزاز میں استقبالیہ، ڈاکٹرمبشر، چوہدری اسماعیل، چوہدری غلام سرور سمیت متعدد رہنماووں کی شرکت

This slideshow requires JavaScript.

اوسلو (بیورو رپورٹ)

ناروے کے دارالحکومت اوسلو میں گذشتہ روز سفیرپاکستان رفعت مسعود کے اعزاز میں پاک ناروے فورم اور ہیومن سروسز ناروے کے عہدیداروں سمیت نارویجن پاکستانی کمیونٹی کی اہم شخصیات نے استقبالیہ دیاگیا۔

استقبالیے سے خطاب کرتے ہوئے انھوں نے نے پاکستان کے لیے نارویجن پاکستانیوں کی سماجی و رفاعی خدمات کو  خراج تحسین پیش کیا ہے۔ تقریب کا باقاعدہ آغاز تلاوت قرآن کریم سے ہوا جس کی سعادت حافظ فاروق احمد نے حاصل کی۔

سفیرپاکستان رفعت مسعود نے کہاکہ وہ نارویجن پاکستانی کے جذبات کو سراہتی ہیں جو ناروے میں رہتے ہوئے بھی پاکستان سے جڑے ہوئے ہیں اور پاکستان میں اپنے عزیز واقارب کی مدد کے علاوہ  دیگر مختلف رفاعی کاموں میں بھی حصہ لے رہے ہیں۔

سفیر پاکستان نے نارویجن پاکستانیوں کو مخاطب کرتے ہوئے کہا کہ آپ لوگ ناروے میں رہتے ہیں لیکن آپ کو اپنے علاقہ اور گاوں کا خیال ہے۔ آپ پاکستان میں نادار اور مستحق لوگوں کی مدد کرتے ہیں۔ یہ کام انتہائی اہمیت کا حامل  ہے۔ انھوں نے اوسلو میں گذشتہ سال چودہ اگست یوم پاکستان کی مشترکہ تقریب کے حوالے سے کہاکہ یہ ایک مشکل کام تھا لیکن نارویجن پاکستانیوں کی مدد سے ایسا ممکن ہوا اور آئندہ بھی ایسا ہوگا۔




اس موقع پر اوسلو سٹی پارلیمنٹ کے رکن ڈاکٹر مبشر بنارس نے ناروے میں پاکستانی کمیوٹی کے مابین اتفاق و اتحاد کے حوالے سے سفیرپاکستان کی کوششوں کی تعریف کی اور خاص طوپر حالیہ چودہ اگست یوم آزادی پاکستان کے موقع پر ایک مشترکہ تقریب کے انعقاد کو سراہا۔ انھوں نے امیدظاہر کی اس کام میں اس سال مزید بہتری آئے گی۔

انھوں نے پاک۔ناروے فورم کے صدر چوہدری اسماعیل سرور اور ھیومن سروسز ناروے کے چیئرمین چوہدری خالد کسانہ کی تعریف کی جو نارویجن پاکستانی کمیونٹی میں فعال کردار ادا کررہے ہیں۔

راجہ مبشر نے کہاکہ ہماروے دوستوں نے مل کر ایک ویلفیئرفنڈ بنایا ہوا ہے۔ جس سے وہ پاکستان میں اپنے عزیز و اقارب کی مدد کرتے ہیں۔ وہ یہ رقم روزگار اور خیراتی کاموں میں خرچ کرتے ہیں۔ ایک کمیٹی کے ذریعے تیس ہزار کراون ہردو ماہ میں پانچ افراد میں تقسیم ہوتے ہیں اور اس رقم کو پاکستان میں  فلاح کے لیے خرچ کرتے ہیں۔ تقریب کے دوران سٹیج سیکرٹری کے فرائض صحافی عقیل قادر نے انجام دیئے جبکہ سماجی شخصیت سجاد رسول نے مہمان خصوصی سے تقریب میں موجود شخصیات کا تعارف کروایا۔ ۔ تقریب کے اختتام پر پاک۔ناروے فورم کے سینئرعہدیدار چوہدری وسیم شہزاد دعائیہ کلمات کئے۔ اس موقع پر پاک ناروے فورم کے چوہدری پرویزاختربھٹی، چوہدری اقبال بھاگو، راجہ عاشق حسین، چوہدری افتخارناز، چوہدری جاوید سرور اور ہیومن سروسز ناروے کے عہدیداران چوہدری غلام سرور، شاہدمنیر، سید زاہد شاہ، عمران مختار، جہانگیراحمد، ذیشان مختار اور دیگر متعدد شخصیات موجودتھیں۔
 

Recommended For You

Leave a Comment