صحت کی دشمن 10 بُری عادات

کراچی ایکسپریس: انسان اشرف المخلوقات کہلاتا ہے اور اچھی صحبت اورعادات ہی انسان کو ایک اچھا انسانبناتی ہیں تاہم 10عادات ایسی بھی ہیں جو نہ چاہتے ہوئے بھی انسان کی زندگی کا حصہ بن چکی ہیں۔

انسان بہتر صحت کے لئے اچھی عادات کو زندگی کا حصہ بنانے کی ہرممکن کوشش کرتا ہے کیوں کہ اچھی عادات ہی انسان کی زندگی کو پرکشش بناتی ہیں لیکن 10 ایسی عادات بھی ہیں جو انسان کی زندگی کو متاثر کرنے کے ساتھ ساتھ جان لیوا بھی ثابت ہو سکتی ہیں۔

جنک فود کا زیادہ استعمال

Eating Junk Food | 10 things that spoil your health | 10 habits which can spoil your health

آج کل نوجوان  جنک فوڈ کا استعمال اس تیزی سے کررہے ہیں کہ یہ ان کی غذا کا لازمی حصہ بنتی جارہا ہے  اور جو لوگ باہر کا کھانا کھانے کے زیادہ ترجیح دیتے ہیں ان میں ذیابطیس اور دل کی بیماریوں کے زیادہ امکانات ہوتے ہیں۔

ذہنی پریشانی

Depression | 10 things that spoil your health | 10 habits which can spoil your health

 انسانی فطرت میں یہ بات شامل ہے کہ کئی ناخوشگوار واقعات اسے ذہنی طور پر جلد پریشان کردیتےہیں جس کے براہ راست اثرات انسانی شخصیت پر پڑتے ہیں اوراسی ذہنی پریشانی کی وجہ سے انسان دیگر کئی بیماریوں میں گھر جاتا ہے۔
شراب کا استعمال
Use of Alcohol | 10 things that spoil your health | 10 habits which can spoil your health

شراب کو ’’ام الخبائث‘‘ یعنی تمام خرابیوں کی ماں کہا جاتا ہے، اس کے منفی اثرات انسان کو موت کی طرف لے جاتے ہیں۔ ایک اندازے کے مطابق ہر سال تقریبا 88 ہزار افراد اس عادت سے جان سے ہاتھ دھو بیٹھتے ہیں۔

سگریٹ نوشی

Smoking | 10 things that spoil your health | 10 habits which can spoil your health

تمباکو نوشی اب فیشن کے ساتھ ساتھ  دنیا بھر میں قبل از موت کا سبب بننے والی سب سے بڑی عادت بن چکی ہے جو نہ صرف کینسر بلکہ اندھا پن، ذیابیطس، جگر اور آنت کے کینسر جیسی بیماریوں کا بھی باعث  بنتی ہیں۔

کمپیوٹر پر کام کرتے وقت ہاتھ کی اہمیت

Doing work on Computer | 10 things that spoil your health | 10 habits which can spoil your health

دور جدید میں انسان وقت بچانے کے لیے مشینوں پر زیادہ انحصار کرنے لگا ہے اورکمپیوٹر بھی اسی سائنسی ترقی کا ایک نمونہ ہے جو سب سے زیادہ استعمال ہونے والی مشین ہے جو لوگ گھنٹوں کمپیوٹر استعمال کرتے ہیں اور اس بات سے لاعلم رہتے ہیں کہ ہاتھ  کا غلط سمت میں رکھ کر کمپیوٹر استعمال کرنا ایک برُی عادت ہے جسے طبی اصطلاع میں Carpal tunnel syndrome کہا جاتا ہے جس کی علامات ہاتھ کی بیچ والی انگلی اور انگھوٹے کے برابر والی انگلی میں رات کے اوقات میں درد ہونا ہے۔




ادویات کا استعمال

Excessive Use of Medicines | 10 things that spoil your health | 10 habits which can spoil your health

بیماری چھوٹی نوعیت کی ہو یا بڑی، ادویات کا استعمال ڈاکٹر کی ہدایت پر ہی کیا جانا چاہیے تاہم لوگ چھوٹی چھوٹی بیماریوں پر بھی مختلف اقسام کی ادویات اپنی روز مرہ زندگی میں شامل کرلیتے ہیں اور پھر انہیں پر انحصار کرتے ہیں جب کہ اکثر لوگ نیند کی گولیوں کے اتنے عادی ہو چکے ہوتے ہیں کہ اس کے کھائے بغیر اُنھیں نیند نہیں آتی لیکن ادویات کے زیادہ استعمال سے انسانی ذہن کام کرنا کم کردیتا ہے اور جسم میں بیماریوں سے لڑنے کی توانائی بھی خاصی کم ہوجاتی ہے۔

پانی کا کم استعمال

Less Use of Water | 10 things that spoil your health | 10 habits which can spoil your health

پانی اللہ پاک کی دی ہوئی وہ نعمت ہے جس کا نعم البدل کوئی نہیں لیکن آج کل مصروفیت کی وجہ سے لوگ کم پانی پیتے ہیں اور اب یہ ایک عادت بنتی جارہی ہے جس کی بنیادی وجہ دیگر مشروبات کو پانی کے متبادل استعمال کرنا ہے تاہم اس بات کو بھی خاطر خواہ رکھنا ہوگا کہ قدرت کی طرف سے دی گئی نعمت کو نظر انداز کرنے کے نقصانات بھی بہت ہیں۔




نیند پوری نہ کرنا

Awakening | 10 things that spoil your health | 10 habits which can spoil your healthزیادہ جاگنا اور نیند پوری نہ کرنے کی عادت دن بدن بڑھتی جارہی ہے خواہ وہ رات بھر موبائل کے استعمال سے ہویا آفس میں مصروفیات کی وجہ سے جس کے منفی اثرات یہ ہیں کہ انسان چڑ چڑا پن اور دیگر ذہنی و جسمانی بیماری کا شکار ہوجاتا ہے۔

ناشتہ نہ کرنا

Not Doing Breakfast | 10 things that spoil your health | 10 habits which can spoil your health

دور حاظرمیں مصروف زندگی کے باعث  اکثر لوگوں میں ناشتہ نہ کرنے کی عادت دیکھنے میں آئی ہے جب کہ طبی ماہرین کا کہنا ہے کہ انسان اگر صرف صبح کا ناشتہ اچھی طرح  کرنے کو عادت بنا لے تو جسم دن بھر بھرپور توانائی اور نشو نما سے کام کرتا ہے۔

جھک کر بیٹھنا

Sitting Down | 10 things that spoil your health | 10 habits which can spoil your health

آج کل دیکھنے میں آیا ہے کہ لوگ جھک کر بیٹھنے کے زیادہ عادی ہوگئے ہیں اور یہ عادت  کمر کے درد کی سب سے اہم وجہ بنتی ہے، طبی ماہرین کہتے ہیں کہ صحت مند زندگی گزارنے کے لیے جھک کر بیٹھنے سے پرہیز کرنا چاہیے ۔




Recommended For You

Leave a Comment